Skip to main content

Organizando os GPUL Schools

Os GPUL Schools son os eventos máis frecuentes de GPUL. Realizánse varias veces ao mes, polo que a eficiencia é esencial á hora de preparalos. Nesta sección tratamos de estandarizar todos os procesos á hora de organizar este tipo de charlas, co obxectivo de simplificalo o máximo posible, facilitando que se poidan realizar coa máxima frecuencia posible.

Á hora de preparar un GPUL Schools, hai 5 partes principais:

1. Comunicación co relator​

O primeiro paso é decidir a temática da charla e quen a fará. Esto pode ocorrer de moitas maneiras.

Unha veces establecido isto, o seguinte e fixar unha data para a charla e pedir a información para poder formalizala e publicala. A información necesaria adoita ser:

  • Título da charla
  • Subtítulo (resumo breve)
  • Descrición longa para redes sociais e a web
  • Data e hora
  • Duración aproximada
  • Permiso para realizar e publicar a gravación (se está cómodo con gravala, non é obligatorio)

Unha vez fixados os detalles, pódese seguir cos puntos 2 e 3 en paralelo mentres que se manteñe a comunicación co relator en caso de cambios.

2. Comunicación coa facultade​

A comunicación coa facultade é esencial, tanto para a reserva do espacio como para a comunicación polas redes sociais da facultade.

Vicedecanado de infraestruturas: Reserva do aula​

É importante reservar o aula con antelación, deixando marxe de tempo antes e depois da charla na reserva.

O tempo de preparación dependerá se se vai grabar ou non. Despois da charla adoitamos deixar bastante marxe por se se alarga a charla e para falar despois da charla.

Vicedecanato de recursos informáticos: Publicación redes sociais​

O vicedecanato de recursos informáticos xestiona as redes sociais da facultade, polo que é importante comunicarlle: - Información da charla co poster para publicar en redes sociais e por telegram - Vídeo o imaxe para poñer nas pantallas da facultade

Poden consultarse os correos de contacto dos vicedecanatos na web da FIC

3. Publicidade da charla​

A charla publicítase por redes sociais, con carteis na facultade e polas redes sociais da facultade.

  • Carteis das charlas para a facultade (de 7 a 10 carteis), a colocar en:
    1. Descansos das escaleiras principais
    2. Ascensor principal das plantas 0 e 1
    3. Pasillos das plantas 3 e 4 (á dereita ao subir)
    4. Diante do despacho de GPUL
  • Banner simplificado, para compartir por internet

4. O día da charla​

O día da charla o único traballo é preparar a aula. Á hora reservada pódese pedir en conserxería que abran a aula para GPUL e colocar o rollup na porta.

En caso de ter que preparar o material audiovisual consulta a sección axeitada e comproba a estimación de tempo que che levara montalo.

5. Después de la charla​

Despois da charla só é necesario comprobar que a aula queda recollida e recoller os carteis que se pegaron. Se se gravou, é o momento de publicar o vídeo